Lopapeysa | Rósalína

Rósalínu Lopapeysan. Þessi flík er mjög sérstök þar sem að hún er hekluð úr lopa og það “afgöngum”  eða endum þar sem hver litur tekur við af öðrum og nánast hending látin ráða hvaða litur kemur næstur. Lopapeysan er hlý og opin með aflöngum trétölum, belti og hettu og ekki má gleyma vösunum. Hún er mjög klæðileg og hentar úti sem inni, vetur sem sumar. Hægt er að ráða því hvort að beltið er notað eða ekki en engir “hankar” eru í hliðum fyrir beltið til að fallegra sé að sleppa því ef vill. Einstaklega notaleg flík og mjög eiguleg fyrir lopapeysu unnendur.

Stærð: Lopapeysan er í stærðinni S-L og er síddin frá öxlum 96 sm. og ermalengd frá armkrika er 43 sm. Víddin á flíkinni yfir mjaðmasvæði er 64 sm.

Efni: Lopapeysan er að lang mestu leyti úr lopa-garni

Þvottur:
Mikilvægt er að meðhöndla hverja vöru frá Rósalínu með mildi þar sem efnisval er fjölbreytt í hverri flík. Mælt er með vægum handþvotti og einnig að flíkin sé látin liggja og þorna en um leið formuð til svo að hún haldi sem best sínu upprunalegu útliti.

Slow fashion - handverk sem tekur tíma
Flíkurnar frá Rósalínu eru handunnar og aðeins til í einu eintaki.
Vegna þess að hver flík er unnin í höndunum geta komið fram smávægilegir breytileikar sem er eðlilegur hluti af handverkinu og gerir hverja flík einstaka.